Joan-Ives Casanova : Cap de Creus
1999. Poëmas occitans amb una revirada francesa de l'autor.
Cap de Creus es tot a l’encòp un sol poèma, un ensems de poèmas que lor forma es repetida tres còps quinze còps, e un jornal
de viatge que lo defòra e lo dedins s’i mèsclan, e mai encara, perqué pas, un roman en vèrses.
Los legeires de Joan-Ives Casanova i tornaràn trobar çò qu’èra ja estat a l’origina dels poders de seduccion, grèus e encantaires, de sos libres precedents, que se trache dels poèmas d’ Elegias vengudas de Negre e de Mar, o dels racontes en pròsa de L’Òrle dei matins e de L’Ambre (Trabucaire, 1996). Los autres, amb eles, podràn dintrar dins aquel univèrs de mots, de mètres e d’imatges pacientament reünits entre lors aparicions estrambordantas e lors desaparicions dolorosas. Luòc real e imaginari de l’escritura, lo Cap de Creus, poncha estrifada de las tèrras dins l’esposc blau d’una mar a l’encòp clartat e tenèbras, materializa lo movement de cada existéncia subran vista dins son entièr. Empòrta e rapatria, d’abismes en abismes, en cèrca d’una lutz definitiva.
Legir un troç | A prepaus de Joan-Ives Casanova | Retorn al catalòg
Cap de Creus,
de Joan-Ives Casanova
Poëmas occitans, amb una revirada francesa de l'autor
Format : 14 x 22,5 / 128 paginas / ISBN : 2-905213-16-7
Pretz : 15 €