Claudio Salvagno
L'empèri de l'ombra
2004. Poëmas occitans amb una version italiana de l'autor,
e una version francesa de Jean-Michel Effantin
[Legir tanben -en francés- : l'article de Joan-Claudi Forêt paregut dins la revista Europe]
Los poëmas de Claudio Salvagno, pel primièr còp ramosats en recuèlh, parlan, sul mòde minor o interrogatiu,
de son aspre país de montanhas, l'empèri de l'ombra, aigavèrs negatiu de l'empèri mistralenc del solelh. Claudio Salvagno s'interròga
sus l'usatge de far desenant d'aquel eiretatge alpin de païsatges e de lengatge, que nos a trasmés una civilizacion occitana immemoriala e
que nòstra generacion n'es depositària, pel melhor e pel pièger.
Lo poëta, coma lo plastician qu'es tanben, es pivelat per la tasta de la fusta o de la lausa, per aquelas vièlhas besonhas vengudas inutilas, fuvèlas, tacolas, nilhas, d'alborn o de castanhièr, caps-d'òbra anonims que se n'oblidan lor nom e lor emplec. A l'encòp li tornan de remembres d'enfança, entremesclats de scènas presentas de la vida vidanta e de reminiscéncias literàrias. Totes aqueles elements compausan una òbra originala, tant per son inspiracion com per sa lenga, un estrèm orient occitan, al marge de nòstre domeni linguistic, acompanhada aicí d'un parelh de reviradas, italiana e francesa.
Legir un troç | A prepaus de Claudio Salvagno | Retorn al catalòg
L'empèri de l'ombra / L'empire de l'ombre
de Claudio Salvagno
Amb reviradas italiana e francesa
Format : 14 x 22,5 / 184 paginas / ISBN : 2-905213-22-1
Preitz : 20 €