Bernat Manciet : Sonets
1996. Amb una revirada francesa de l'autor
Lo sonets occitans de Bernat Manciet èran ja coneguts : un pichòt recuèlh en edicion confidenciala, agotat
dempuèi d’ans e d’ans, de pèças o de tièras de pèças esparpalhadas dins de revistas sovent de mal trobar... Los legeires de Manciet sabián
ça que la que s’atrobava aquí, jos una autra forma, e amb d’autras ambicions, quicòm que seriá coma l’equivalent de L’Enterrament a
Sabres.
Aquel recuèlh de sonets, permet d’accedir de plan-pè a un univèrs poëtic qu’espanta un còp de mai per sa coëréncia d’ensems e sa diversitats de las bèlas. Los sonets – mai de cent vint son estats recampats – par lor forma constrencha coma per l’infinitat de las variacions qu’aquela forma, paradoxalament ; rend possiblas, apareisson coma lo còr viu d’una escritura en camin. Una votz unenca i nais, i fa l’experiéncia de las posturas sens nombre del mond e dels mots, bastís sos ressons a ela e sas palinodias, e aital ne finís pas de faire gisclar los imatges e las scènas que quitan pas de la poblar. Una soma poëtica qu’es primièr soma de lengatge incarnat, pasta e levam de paraula, qu’esposan l’immensitat del mond sens bolièras.
A prepaus de Bernat Manciet | Retorn al catalòg
Sonets,
de Bernat Manciet
Amb una revirada francesa de l'autor
Format : 14 x 22,5 / 260 paginas / ISBN : 2-905213-09-4
Preitz : 22,10 €