Max Roqueta
Lo Maucòr de l'unicòrn / Le Tourment de la licorne
Noveltat 2026. Amb una version francesa de l'autor
Paregut en 1988, Lo Maucòr de l'Unicòrn, segond grand recuèlh de Max Rouquette après Los Saumes de la nuòch, recampa de poèmas escriches après la guèrra.
S'i retròba l'inspiracion lunara posada a cò de Lorca : « Lo banh de la luna », « Rasims de luna », mas tanben l'omnipreséncia del sòmi e de la nuòch :
« Aquò's la nuòch », « De monts de sòm », « Joves sòmis ». Max Roqueta es un poèta tan nuechenc que solar, que per el lo sòmi despertat es un acte d'escritura liurant
accès a un univèrs interior ignorat e al mond natural que se'n sent exiliat despuèi l'enfança. Tot lo recuèlh banha dins una intensa languison e un mistèri difús,
ont senhoreja un sentiment de pèrda qu'inspira a l'autor sos poèmas mai bèls : pèrda de la lenga (« La lenga s'es perduda ») o d'un biais de viure simple e convivial
(« Lo romance de la grasilha »). Aquò's benlèu aquela nafradura intima que causa « lo maucòr de l'unicòrn », títol d'un poèma e de tot lo recuèlh :
« Per los camps de luna vièlha
se n'anava l'unicòrn,
lo còr tot confle de fèu,
la boca desconsolada. »
Unicòrn enigmatic, part escura de nosautres...
Aquesta reedicion repren e corregís l'edicion originala que reclausiá fòrça errors. Las edicions Jorn propausan donc d'ara enlà tres dels quatre
grands recuèlhs en vèrses de Max Roqueta.
Lo Maucòr de l'unicòrn,
de Max Roqueta
Format : 14 x 22,5 / 168 paginas / ISBN : 978-2-905213-62-4
Preitz : 18 €
De Max Roqueta, las edicions Jorn an ja publicat :
D'aicí mil ans de lutz
Las Abelhas dau silenci
A prepaus de Max Roqueta | Retorn al catalòg