Edicions jorn :: literatura occitana contemporanea

Nascut a Montpelhièr, ont viu totjorn, en 1921, Frédéric-Jacques Temple, amic e biograf d’Henry Miller, companh de viatges e d’escritura de Blaise Cendrars, de Lawrence Durrell e de Joseph Delteil, es a l’encòp ensagista, poèta e romancièr

Dins son òbra abondosa e ampla ont Montpelhièr, luòc de naissença e de vida jamai oblidat, se mescla als ressons del mond entièr, destacarem los romans, pastats d’autobiografia, coma Un cimetière indien (1981), L’Enclos (1992), La Route de San Romano (1996) e, pus recentament, Le Chant des Limules.

Una inspiracion parièra se tròba dins sos recuèlhs de poësia : la votz occitana de Max Roqueta, après de longas annadas de rescontres e d’amistat entre los dos escrivans, trobèt dins los poèmas de Frédéric-Jacques Temple, poèmas de l’aicí lengadocian coma poèmas de l’endacòm mai, una escasença excepcionala de s’acordar amb sa votz immensa e frairenala.

Frédéric-Jacques Temple dins lo nòstre catalog :
Poëmas